Uniun

Il Club da ballapei Lumnezia ei vegnius fundaus ils 23 da matg 2001 ord la fusiun dil Club da ballapei Vella ed il Club da ballapei Lumnezia/Degen. L’uniun dumbra actualmein 40 commembers activs, 50 juniors e rodund 100 commembers passivs. Il CB Lumnezia ei responsabels per ina purschida dil temps liber plein tensiun ed ordvart interessanta. A nos affons ed a nossa giuventetgna che han plascher dil sport da ballapei vulein nus porscher la pusseivladad d’exequir quei sport popular en Lumnezia. Suandont motto accumpogna nus atras il sport da ballapei:

Per saver contonscher nossas finamiras e per saver porscher a nos affons ed a nossa giuventetgna la pusseivladad d’exequir il sport da ballapei sut cundiziuns optimalas ei il CB Lumnezia dependents da saunas finanzas. Sper il recav dallas differentas occurenzas ei il sustegn dils numerus sponsurs, fauturs e fans da grond’impurtonza per las finanzas dil club.

Cordial engraziament per il sustegn e sin seveser sil plaz da ballapei.

Club da ballapei Lumnezia
La suprastonza